Polonia ftoi Jahjagën ngase e njeh Kosovën

Shefi i diplomacisë polake, Radek Sikorski ka thënë se Polonia e
ka ftuar presidenten e Kosovës, Atifete Jahjaga në takim me presidentin
amerikan Barack Obama në Samitin e vendeve të Evropës së Mesme dhe
Lindore, që do të mbahet më 27 maj në Varshavë, ngase Polonia e njeh
Kosovën si shtet i pavarur.Për paralajmërimet se samitit do
ta bojkotohu presidenti i Serbisë, Boris Tadic, dhe ndoshta edhe
presidentët e Sllovakisë dhe Rumanisë, për shkak të paraqitjes së
Kosovës si shtet, Shikorsky ka thënë se Serbia duhet të “tregojë se ka
mundur demonët e të kaluarës së saj”.
“Polonia e njeh Kosovën e pavarur dhe nuk ka arsye për të cilat nuk
duhet të ftojmë presidenten e këtij shteti në këtë samit”, ka thënë
Shikorsky, lajmëroi agjencia polake e lajmeve IAR.
Shefi i diplomacisë polake ka mohuar që në këtë samit presidentja e Kosovës të jetë ftuar me insistim të presidentit të SHBA-ve.
Edhe zyra e presidentit polak, Bronislav Komarovsky, i cili është
nikoqir i samitit, ku presidentët e shteteve post-komuniste do të
takohet me Barack Obamën, ka konfirmuar se Kosova është e ftuar si
shtet, pavarësinë e së cilës e ka njohur Polonia. /Telegrafi/