Fullani: Bankat të sigurta dhe stabile

Konsumi privat përgjatë vitit 2010 ka qenë mjaft i ngadaltë, një
tendencë që vazhdon të ndjehet edhe në muajt e parë të këtij viti. Guvernatori
i Bankës së Shqipërisë Ardian Fullani gjatë raportit në Komisionin e
Ekonomisë dhe të financave deklaroi se nxitja e konsumit duhet të jetë
një objektiv në të ardhmen.
Ndërkohë që deklaroi se deficit buxhetor ka pësuar një ulje të ndjeshme.
Sektori i ndërtimit sipas guvernatorit Fullani ka qenë një ndër sektorët
që ka shfaqur më tepër rënie dhe kjo për shkak të uljes së ndjeshme të
shitjes së pasurive të paluajtshme.
Kreu i bankës Ardian Fullani ka deklaruar se bankat në Shqipëri janë
të sigurta dhe të shëndosha financiarisht gjithsesi guvernatori i bëri
apel institucioneve që të ndihmojnë sistemin bankar për të zbatuar
koleteralet ose ndryshe garancitë që vihen në momentet që jepet kredia.
/Telegrafi/