IFFHS: Interi dhe Barca më të mirët e planetit

Instituti për histori të futbollit dhe statistika (IFFHS), ka publikuar listën e 100 klubeve më të mira të globit për gjashtëmujorin e parë të këtij viti, duke nxjerrë në pozitën e parë pas një kohe të gjatë Interin, me pikë të barabarta me Barcelonën.
Finalisti tjetër i Ligës së Kampionëve, Bayern Munichu, nuk arriti të ngjitej më lartë se pozita e katërt, me skuadrën argjentinase Estudiantes në pozitën e tretë, ende pa përfunduar Copa Libertadores.

Befasi absolute në këtë listë është Fulhami, që e sheh veten të renditur në pozitën e shtatë, që përbën njëkohësisht plasmanin më të mirë në histori të klubit nga Craven Cottage.

Lista e 10 klubeve më të mira në botë sipas IFFHS:

1. Inter 297 pikë
Barcelona 297 pikë
3. Estudiantes 286 pikë
4. Bayern Munich 257 pikë
5. Roma 248 pikë
6. Cruzeiro Belo Horizonte 239 pikë
7. Chelsea 236 pikë
Werder Bremen 236 pikë
Fulham 236 pikë
10. Atletico Madrid 231 pikë