Mosprivatizimi e ka bllokuar Gjakovën

Zëvendëskryeministrja dhe Ministrja e Tregtisë dhe Industrisë
Kusari Lila u takua me përfaqësuesit e Odës Ekonomike të Kosovës, Odës
Ekonomike Regjionale të Gjakovës dhe të Agjencisë Kosovarë të
Privatizimit, në lidhje me çështjet e privatizimit të ndërmarrjeve me
status të pazgjidhur në komunën e Gjakovës.Ministrja e
MTI-së, Mimoza Kusari Lila, tha se është shumë e rëndësishme që të ketë
lëvizje pozitive nëpër komuna dhe le të lëmë anash agjendat politike.
Ajo theksoi se është me rëndësi të punohet dhe të ketë ndryshime
konkrete sa i përket investimeve.
Kryetari i OEK-ut, Safet Gërxhaliu tha se trajtimi që po i bëhet
Gjakovës nuk është i drejtë dhe se ky qytet është lënë anash në tërësi,
sa i përket privatizimit të ndërmarrjeve.
Në kuadër të debatit në mes Gjakovës dhe Agjencisë Kosovare të
Privatizimit, drejtori i AKP-së Shkelzen Lluka, theksoi se disa nga
lëndët e këtij qyteti janë të bllokuara në Gjykatën Supreme dhe deri në
zgjedhjen e këtyre lëndëve nuk mund të bëhet asgjë.
Ndërsa Masar Lluka, drejtori i Odës Ekonomike Regjionale të Gjakovës
tha kjo neglizhencë e privatizimit e ka blloku Gjakovën, pavarësisht që
është qyteti i tretë në Kosovë, e sa i përket investimeve është e fundit
në listë. “Masa të shpejta mund të ia kthejnë jetën funksionale këtij
qyteti, pasi ata të cilët po vuajnë më shumë në këtë rast janë
qytetarët”, u shpreh ai. /Telegrafi/