Apple: iPhone i mirë është vetëm iPhone i bllokuar

Ndryshimet e bëra nga rregulloren e DMCA’së (Digital Millennium Copyright Act) në korrik të vitit të kaluar, nuk e patën gëzuar kompaninë Apple, pasi që me këtë vendim përdoruesve të këtij telefoni iu mundësohej që ta zhbllokonin telefonin e tyre mobil, pa u frikësuar se ky është një veprim i kundër-ligjor.

Mirëpo, NBC thotë se rregullat e DCMA-së tani kanë ndryshuar përsëri, për tu rikthyer siç kanë qenë fillimisht, dhe tani çdo zhbllokim i një iPhone me kontratë është thyerje e drejtave të tyre të cilat ata i mbrojnë me ligj.

Do të jetë interesante të shihet nëse Apple do të arrijë të ketë sukses me politikën e saj për bllokimin e iPhone, ndërsa dihet që nëse ka prodhues të tjerë që janë kundër këtij vendimi, rregullat e DCMA’së mund të rikthehen sërish në dobi të blerësve që nuk dëshirojnë të lidhen me kontratë.