SHBA: iPhone është i pari, BlackBerry i dyti

Telefoni i kompanisë Apple, iPhone ka fituar një pjesë të lehtë në tregut të telefonave të mençur në SHBA, me sa duket në kurriz të pajisjeve si BlackBerry dhe atyre që mbështeten në Windows Mobile, thotë një studim i ri i Nielsen.
Në mes Q4 2009 dhe Q1 2010, iPhone u rrit 2 për qind në treg, për të marrë 28 për qind të këtij tregu. Ndërsa, Blackberry ka mbajtur dominimin e tij, por megjithatë doli 2 për qind më pak në çerekun e fundit të vitit 2010, për t'u ulur në 35 për qind me pjesëmarrje në treg.

Telefonat e bazuar në Windows kanë humbur terren të ngjashëm, dhe tani ata llogaritet se mbajnë rreth 19 për qind të tregut amerikan të smartphone.

Po kështu, telefonat e bazuar në sistemin operativ Android janë duke “ngrënë” pjesë të rëndësishme të tregut nga BlackBerry dhe Windows Mobile, ndërsa platforma Android e kompanisë Google, është rritur 2 për qind në Q1 2010, për të përfaqësuar 9 për qind të tregut.

Pajisjet tjera si Palm, Linux dhe pajisjet e bazuara në Symbian mbajnë një pjesë të "rrafshët" të këtij tregu me vetëm 4.3 për qind, përkatësisht 2 për qind të tregut amerikan.

Ndërsa, në anën tjetër përdoruesit e telefonave të mençur janë rritur me 2 për qind në çerekun e fundit, duke shënuar rekord prej 23 për qind të tregut të telefonave të mençur mobil, në përgjithësi.