Kosteliq, i dyti në sllallom, i pari në kombinim

Kitzbühl, 23 janar – Garën e sotme të sllallomit në qendrën austriake të skitarisë alpine, Kitzbühl e fitoi francezi Jean-Baptiste Grange, i dyti ishte kroati Ivica Kosteliq (+0,28), kurse i treti italiani Giuliano Razzoli (+0,69). Njëkohësisht, kroati Kosteliq doli i pari në garën e kombinimit (sllallom plus lëshim).
Pas 22 garave të këtij sezoni të skive në disiplinat alpine, Kosteliq ka tubuar gjithsej
1 030 pikë dhe udhëheq para zviceranit Silvain Zurbriggen (629 pikë) dhe norvegjezit Aksel Lund Svindal (585). Kosteliq udhëheq edhe në plasmanin e përgjithshëm të sllallomit me 433 pikë, para austriakut Marcel Hirscher (326) dhe francezit Grange (282).
Garuesit e sllallomit të martën i pret gara e re në Schladming, që zhvillohet nën reflektorë.
Me këto fitore të sotme kroati Kosteliq ka fituar 125 mijë euro, zvicerani Didier Cuche është i dyti me 78 mijë, ndërsa francezi Jean-Baptiste Grange i treti me 70 mijë euro.