Serbia, së pari t’i rregullojë marrëdhëniet me Kosovën

Raportuesi i Serbisë në Parlamentin Evropian, Jelko Kacin, ka thënë se askush nuk kërkon nga Serbia që ta njohë Kosovën si kusht për të hyrë në Bashkimin Evropian, dhe kjo dilemë sipas tij është vetëm një gënjeshtër.

Sipas tij nga Beogradi kërkohet që të arrijë rezultate konkrete nga dialogu me Prishtinën, duke përfshirë problemin e vulave, në mënyrë që të largohen barrierat tregtare në mes dy vendeve.

“Nga Serbia askush s’po kërkon që ta njohë Kosovën, në mënyrë që të fitojë statusin e kandidatit të BE-së. Nga Beogradi po kërkohet që të zbatojë detyrat, dhe të ketë përparime në dialogun me Prishtinën”, ka thënë Kacin për “Dnevnik”, raporton Koha.

Kacin vlerëson se dilema Kosova apo Bashkimi Evropian është gënjeshtër dhe askush nuk e thotë në Bruksel. “Është kundër produktive të deklarohesh në diçka që Bashkimi Evropian nuk merret më të”, ka thënë mes tjerash Kacini. /Telegraf