Apollo është modeli i ri i BlackBerry Curve

Gjatë këtyre ditëve, ne e kemi pasur rastin të shohim fotografi dhe karakteristika të modelit të ri të telefonit të mençur nga RIM, BlackBerry Dakota, ndërsa tani në internet janë paraqitur edhe disa pamje të reja të, siç thuhet, gjeneratës së re të linjës BlackBerry Curve, modelin e emërtuar Apollo.

Sipas faqes BGR, thuhet se BlackBerry Curve i ri do të jetë një telefon i mençur Quad-band me lidhje GSM/GPRS/EDGE dhe Tri-band UMTS/HSPA 7.2Mbps, ndërsa ekrani i tij do të shfaq pamje në rezolucion me 480x360 mega-piksel.

Modeli i ri i BlackBerry Curve, përkatësisht Apollo, do të përfshijë edhe Bluetooth 2.1, 802.11 b/g/n WiFi, GPS, mbështetje për NFC, 512MN të RAM, si dhe kamerën me 5 mega-piksel.

Karakteristikat tjera të këtij modeli përfshijnë edhe sistemin e fundit operativ BlackBerry OS 6.1, baterinë 1050 mAh si dhe CPU-në Tavor MG-1 me 800MHz.