BlackBerry 9800 do të quhet Torch?

Modeli i ri BlackBerry 9800 mund të ri-emërohet. Besohet se versioni më i ri BlackBerry 9800 do të quhet Torch, ndërsa më herët ishte paramenduar që ky model i telefonit të RIM, të ketë shtesën Bold.
Nga burime jo-zyrtare merret vesh se kompania BlackBerry dëshiron që modelet e telefonave të ngjashëm me BlackBerry 9800 të cilët posedojnë edhe rrëshqitësin dhe tastierën QWERTY të hyjnë në familjen e BlackBerry Torch.

Në anën tjetër, merret vesh që BlackBerry emrin Torch e ka regjistruar si markë tregtare, gjatë muajit Prill, raporton CrackBerry, kështu që tani pritet që kompania të fillojë ta përdor emrin e regjistruar.

Disa modele me rrëshqitës BlackBerry me emrin Torch janë aktualisht në fabrikën e RIM në Meksikë. Çfarëdo që të jetë emri, BlackBerry Torch ose BlackBerry 9800 do të jetë telefoni i parë i kësaj kompanie i cili do të bazohet në sistemin më të ri operativ BlackBerry 6 OS, i cili vjen bashkë me shfletuesin WebKit dhe ekranin me opsion multi-touch.