iPhone e tejkalon rivalin BlackBerry

Kur Steve Jobs para tri viteve e pati prezantuar telefonin tashmë të famshëm, iPhone, ai nuk kishte menduar se pajisja e kompanisë së tij do të bëhej aq popullore sa është sot.
Për t’i tejkaluar pritjet e tij, Apple sot është shndërruar në prodhuesin e katërt të telefonave të mençur mobil në botë.

Me siguri se kjo nuk është një arritje e vogël, për një kompani që shet vetëm dy modele të telefonave mobil, iPhone 4 dhe 3G.



Sipas IDC-së thuhet se Apple kanë lëvizur tani në vend të katërt në listën e prodhuesve, madje edhe para rivalit RIM, prodhuesit të njohur të telefonave BlackBerry.

Shifrat janë për tremujorin e fundit, ndërsa kompania finlandeze Nokia është ende në vendin e parë, e ndjekur nga Samsung dhe LG, të cilët radhiten më lart se Apple, përkatësisht në vendin të dytë dhe të tretë, ndërsa RIM kanë rënë tani në vendin e pestë, një më poshtë se Apple.