Jahjaga u takua me Turk dhe Ivanov

Presidentja e Kosovës, Atifete Jahjaga, gjatë qëndrimin në Poloni, ku ndër të tjera po zhvillon takime edhe me homologë të vendeve tjera pjesëmarrëse në Samitin e Varshavës, është takuar me presidentin e Sllovenisë, Danilo Turk dhe presidentin e Maqedonisë, Gjorgji Ivanov.
Siç njoftoi Zyra për informim e Presidencës, në takimet e ndara me homologët e saj, presidentja Jahjaga është pajtuar që Kosova ka marrëdhënie të mira ndërshtetërore më këto dy vende, mirëpo janë pajtuar që ky bashkëpunim duhet të thellohet edhe më tej.
Ndërkaq, presidenti slloven, e ka ftuar Presidenten e Kosovës për vizitë zyrtare në Slloveni. Turk ka theksoi bashkëpunimin shumë të mirë mes bizneseve të të dy vendeve dhe u shpreh se Sllovenia mund të ndihmojë në rritjen e shkallës së eksportit të produkteve kosovare.
Ndërsa gjatë takimit me presidentit maqedonas është diskutuar për bashkëpunimin në fushën e ekonomisë, që është mjaft i intensifikuar, si dhe shtruan nevojën e investimeve dhe bashkëpunimit në projekte të përbashkëta, sidomos në energjetikë. /Telegrafi/