U përkujtuan dëshmorët Florim Rushiti e Hashim Hajdini

Florim Rushiti-Kingji dhe Hashim Hajdini u skalitën në themelet e lirisë duke flijuar jetën për të, u tha të shtunën në akademinë përkujtimore kushtuar këtyre dy dëshmorëve.
Sipas veprimtarit Adem Demaçi, boxhin ndaj dëshmorëve nuk do ta shlyejmë deri sa mos të realizojmë ëndrrën për të cilën ata ranë.
“Ne borxhin ndaj heronjve dhe dëshmorëve tanë nuk e kemi larë derisa t’i realizojmë, ndërtojmë, t’i vëmë në jetë të gjitha ëndrrat, synimet dëshirat për çfarë ata vdiqën”, tha Demaçi.
Florim Rushiti-Kingji dhe Hashim Hajdini ishin ndër të parët luftëtar që iu kishin përgjigjur luftës për liri, ndërsa kontributi i tyre do të vlerësohet gjithnjë.
“Ata nuk janë në mesin tonë për të qenë në zemrën e secilit. Ata nuk e gëzojnë këtë ditë për të qenë të gëzuar me ne të gjallët. Ata janë të vdekurit e gjallë që janë në çdo mes, në çdo sukses të ditëve të sotme”, tha kryetar i Këshillit Organizativ, Ramadan Beqiri.
Në këtë akademi u tha gjithashtu se dëshmorët Rushiti e Hajdini ishin nga Kosova Lindore, të cilët i’u përgjigjen luftës së Ushtrisë Çlirimtare në Kosovë, në të cilën luftë edhe flijuan jetën. Në këtë akademi u ndanë edhe mirënjohje për familjet Rushiti e Hajdini. /Telegrafi/