Vetura zyrtare në “semi-maturë”

Një veturë zyrtare është parë të hënën mbrëma, rreth orës 20:00,
jashtë orarit të punës, në mbrëmjen e festimit të natës së
semimaturantëve të shkollës fillore “Faik Konica”, në qendër të
Prishtinës. Vetura me regjistrim 000 KS 012 shihet në foto
afër lokalit ku mbahej semimatura, ndërkaq me Udhëzimin administrativ
për përdorimin e automjeteve të qeverisë ndalohet përdorimi i veturave
zyrtare për çështje private.
Zëvendëskryeministri Hajredin Kuçi në një prononcim për Telegrafin
tha se përdorimi i veturave zyrtare për çështje private bie ndesh me
Udhëzimin administrativ që rregullon çështjen e përdorimit të veturave
zyrtare.
Ai theksoi se rasti i tillë do të shqyrtohet, ku më pas pritet të merren masa. /Telegrafi/