Veteranët e UÇK-së vazhdojnë grevën

Greva e veteranëve të UÇK-së ka vazhduar edhe të mërkurën, në
ditën e dhjetë të saj. Xhevdet Qeriqi, kryetar i Këshillit për mbrojtjen
e të drejtave të luftëtarëve të UÇK-së, tha se grevistët nuk kanë marrë
ndonjë përgjigje zyrtare nga drejtuesit e institucioneve të Kosovës
lidhur me kërkesat e tyre. Sipas tij, gjendja shëndetësore e disa
grevistëve është rënduar.“I kemi dy raste që janë shumë,
shumë serioze. Kemi pasur vizita private të deputetëve, mirëpo
zyrtarisht nuk kemi asnjë përgjigje. Sot, ishte Lëvizja Vetëvendosje
zyrtarisht, e cila na njoftoi me një shkresë se i është drejtuar
kryesisë së Kuvendit për debat lidhur me grevën e veteranëve të luftës”,
tha Qeriqi për Radion Evropa e Lirë.
Ai theksoi se grevistët nuk do të tërhiqen nga greva pa u plotësuar
kërkesa për përshpejtimin e miratimit të Ligjit për veteranët e UÇK-së. /Telegrafi/