I zgjatet mandati SWISSCOY-t në Kosovë deri më 2014

Pasi që Dhoma e Kantoneve e kishte miratuar javë më parë, të
hënën edhe Dhoma Federale e Parlamentit Nacional të Zvicrës ka votuar
për vazhdimin e mandatit të kontingjentit të ushtarëve zviceran në
kuadër të KFOR-it në Kosovë, SWISSCOY, deri në vitin 2014.Një
aleancë e lidhur për këtë rast në mes të SVP-së dhe të Gjelbërve nuk ia
doli për të ndërprerë mandatin e SWISSCOY-t, raportoi Albinfo.
Kjo për shkakun se shumica e deputetëve të partive tjera votoi
vazhdimin e mandatit të forcave ushtarake të Zvicrës në Kosovë ku ato
veprojnë në kuadër të KFOR-it që nga viti 1999.
Pro votuan 94 deputetë, 65 kundër dhe nëntë abstenuan. Prania e
Zvicrës është më se i nevojshëm për shkak të situatës së paqëndrueshme
në Kosovë. Po ashtu motiv plotësues është edhe solidariteti
ndërkombëtar.
Ministri i Mbrojtjes, Weli Maurer ka arsyetuar nevojën për vazhdim dhe rritje të angazhimit ushtarak të Zvicrës në Kosovë.
Parlamenti zviceran po ashtu votoi edhe për rritjen e numrit të ushtarëve të SWISSCOY-t nga 220 sa janë tash në 300. /Telegrafi/