GPU thyen çdo password

Hulumtimi i ri i kryer nga Vijay Devakumar tregon që GPU-të moderne janë
aq të fuqishme sa që mund të shfrytëzohen për thyerjen edhe të
passwordëve më seriozë përmes metodës bruto force. Veglat si IGHASHGPU
shkurtojnë kohën për thyerje të NTLM passwordëve për rrjet të Windowsit
të cilët më parë konsideroheshin të pakufizueshëm në kornizat e
realizueshme, ndërsa me një GPU mesatarisht të fuqishëm, nga seria e
kartelave Radeon HD 5770, mund të thyhet passwordi i fuqishëm 8-shifror
për 48 ditë në vend se për 43 vjet sa nevojiteshin deri tani! Po ashtu,
passwordi 5-shifror alfanumerik thyhet për vetëm 24 sekonda. Dhe atë
para se të futen në lojë GPU-të akoma më të fuqishme si Radeon HD 6970.

Krejt
kjo tregon që developerët softverikë do të jenë para një presioni
gjithnjë më të madh që gjeneratën e ardhshme të softuerit dhe sistemeve
operative ta pajisin me algoritme mbrojtëse edhe më të fuqishme, por kjo
do të shtojë presionin në harduerin e zakonshëm në të cilin ky softuer
ekzekutohet. Me fjalë të tjera, me përparimin e GPU-ve, do të duhej të
zhvilloheshin edhe metoda të reja mbrojtëse.