Toshiba thyen rekordin me çipin e saj 128GB

Toshiba ka vendosur një rekord të ri me krijimin e çipit të parë për ruajtjen e të dhënave, me kapacitet prej 128GB hapësirë.
I ndërtuar në një proces me 32 nano-metra, pajisja posedon shtresën prej 16 8GB NAND, për të dyfishuar kapacitetin e mëparshëm, pa qenë domosdoshmërisht më e hollë. Me anë të teknikave të reja, dizajni i kësaj pajisje është më pak se 0,06 inç i trashë.

Kapaciteti do të jetë i mjaftueshëm për t’i dhënë pajisjeve mobile hapësirë të mjaftueshme për ruajtjen e të dhënave, të cilat janë të nevojshme për një përdorues të këtyre pajisjeve. Sipas vlerësimeve të Toshibas, një çip me 128GB mund të mbajë rreth 16,6 orë 1080p video material.

Mostrat e çipit me 128GB hapësirë duhet të jenë në dispozicion deri në muajin shtator, me prodhim të plotë duke filluar diku në vjeshtë.

Thuhet se Apple është aktualisht një nga konsumatorët më të mëdhenj për flash memorie nga Toshiba për pajisjet si iPhone dhe iPod.