Pacquiao vazhdon të thellojë rekordin

Teksas, 15 nëntor - Boksieri filipinas Manny Pacquiao ka përforcuar rekordin e tij, duke fituar të shtunën mbrëma titullin e botës në tetë kategori të ndryshme. Pacuqiao të shtunën ka fituar kundër meksikanit Antonio Margarito, në duelin për titullin WBC në kategorinë gjysmë të mesme, me vendim unanim pas 12 raundeve. Për Pacquiaon (31) fitorja ishte e 52-ta në karrierë (38 KO), ka edhe tri humbje e dy barazime. Për Margariton humbja e pësuar ishte e shtata në karrierë. Ka 38 fitore të regjistruara.