Toshiba Folio 100 në shitje

Toshiba ka filluar me shitjen e kompjuterit të vet të parë tablet Android, të bazuar në Tegra 2 dhe të pajisur me ekranin 10.1-inçësh.
Toshiba në Evropë ka filluar me shitjen e tabletit Folio 100 me sistem operativ Android, të paralajmëruar për fillimin e shtatorit në panairin IFA në Berlin. Siç edhe dihet tanimë, tableti është i bazuar në platformën harduerike Nvidia Tegra 2, ka ekran kapacitativ 10.1-inçësh (1.024 x 600 piksela), 16 GB memorie interne për ruajtje të dhënave dhe sistem operativ Android 2.2.Në të gjenden edhe kamera e uebit 1.3-megapikselësh, dalja mini dhe lidhjet Bluetooth 2.1 + EDR, WiFi e 3G. Toshiba po ashtu paralajmëron mbështetjen për Flash gjatë mesit të këtij muaji, e ajo do të mund të shkarkohet pa pagesë nga dyqani online i aplikacioneve Toshiba Market Place.
Në të njëjtin dyqan kompania mëton të ofrojë disa qindra aplikacione, gjersa fton programuesit për zhvillimin e të rejave për këtë platformë dhe smartbook-un e paraqitur më herët AC100.

Çmimi i kompjuterit tablet Folio 100 sillet në mes të 399 e 529 euro.