Toshiba me monitor me USB

Kaliforni, 29 mars - Toshiba ka plasuar në treg një monitor mobil praktik me 14” i cili në kompjuter lidhet përmes USB-së. Monitori PA3923U-1LC3 përmes të njëjtës kabllo edhe furnizohet me rrymë, që në kombinim me dimensionet kompakte dhe dizajnin me palim mundësojnë një bartje mjaft të lehtë dhe të thjeshtë.
Rezolucionin e ka 1366 x 768 pikë, ndërsa specifikimet tjera teknike përfshijnë kontrastin prej 400:1, ndriçimin prej 220-nitësh, kohën e reagimit prej 16 ms dhe mundësinë e paraqitjes së 256.000 ngjyrave. Të dhënat teknike zbulojnë destinimin e vërtetë të këtij monitori, i cili sigurisht nuk është dizajnuar për luajtje të lojërave dhe as shikim të filmave, por si ekran i dytë praktik për punë ose paraqitje të prezantimeve për një numër të vogël njerëzisht. Në SHBA kushton 199.99 dollarë.