Femrat kanë sunduar gjithmonë

Në kohët parahistorike, femrat ishin anëtaret dominuese të bashkësisë,
prandaj ato lirisht mund të quhen “shefe” të familjes, pohojnë
hulumtuesit e Universitet Oxford.

Shkencëtarët kanë vërtetuar që
femrat “alfa” kanë shkuar në kërkim të ushqimit shumë më larg se “gjysma
më e fortë” e tyre, ndërsa meshkujt ishin njëfarë lloj “amvisësh”.
Megjithatë, shpjegojnë që diçka që ende nuk mund ta shpjegojnë, ka
ndodhur në periudhën para mes 2,4 dhe 1,7 milionë viteve, që ka
kontribuar në ndryshimin e roleve shoqërore në mes gjinive. Ekipi i
ekspertëve ka ardhur deri të ky konkluzion me analizën e mbetjeve
parahistorike me laserë dhe teknologjinë tjetër të avancuar, si mbetjet
fosile të dhëmbëve dhe eshtrave në lokacionet e shpellave në jug të
Afrikës.

“Dallimi në mes mbetjeve mashkullore dhe femërore dhe
ajo që lë të nënkuptohet ishte befasi e madhe. Analiza e dhëmbëve na
tregon që njeriu i hershëm i cili ka jetuar në shpellë ka lindur në atë
zonë ose është shpërngulur nga zona tjetër, si dhe atë që meshkujt më
shpesh kanë vdekur në zonën në të cilën kanë lindur, ndërsa femrat janë
shpërngulur më shpesh”, ka deklaruar autorja e studimit, Julia
Lee-Thorp.

Konkluzionet e veta shkencëtarët i bazojnë në analizën
e “llojeve” të hershme të njerëzve që i kanë paraprirë njeriut modern,
Australopithecus africanus dhe Paranthropus robustus. Shpjegojnë se si
një sjelle e ngjashme mund të gjendet edhe në botën e kafshëve, kështu
që shimpanzetë femërore e lëshojnë grupin e tyre sapo të piqen
seksualisht dhe në shumë gjëra janë më dominuese ndaj meshkujve.