Vitaminat mund të shkaktojnë sterilitet

Sasitë e mëdha të antioksiduesve, siç janë vitaminat A, C dhe E, mund të dëmtojnë fertilitetin (pjellorinë) te femrat.

Antioksiduesit rrezikojnë ovulimin, pasi neutralizojnë radikalet e lira, të cilat nxisin inflamacionin dhe dëmtojnë qelizat. Mirëpo, një hulumtim i realizuar te kafshët eksperimentale ka treguar se këto radikale të dëmshme janë shumë të rëndësishme për ovulacionin.

Për këtë arsye, shkencëtarët izraelitë kanë paralajmëruar në lidhje me rrezikun që mund t’i shkaktojnë fertilitetit femëror antioksiduesit në doza të larta.

Ekspertët thonë se edhe pse në ditët e sotme vitaminat antioksiduese merren në sasi të mëdha, sepse konsiderohen si burim i shëndetit dhe rinisë, përdorimi i pakontrollueshëm i tyre është i dëmshëm për femrat të cilat dëshirojnë të krijojnë familje. /Telegrafi/