Tadic: Të gatshëm për çdo modalitet për Kosovën

Serbia nuk ka interes të bllokojë jetën në Kosovë, as të
bllokojë këmbimin e mallrave dhe shërbimeve, por ka interes të gjejë një
zgjidhje, ka thënë presidenti i Serbisë, Boris Tadic, por kurrë nuk do
të njohë pavarësinë e Kosovës, njoftojnë mediet e Beogradit.Në
emisionin “Svedok” (Dëshmitari) të RTS-së, ai ka thënë se partnerët nga
bashkësia ndërkombëtare e thonë haptas që nuk presin që Serbia të njohë
pavarësinë e Kosovës, por vet Serbia dëshiron të gjejë një zgjidhje për
këtë konflikt, siç e quan ai situatën ndërmjet dy vendeve.
“Ka njerëz që flasin për ndarje, marrëveshje si të dy Gjermanive,
Tirolin e Jugut, ka modalitete të ndryshme”, është shprehur Tadic,
transmetojnë mediat. Ai ka shtuar se Serbia para se të anëtarësohet në
BE dëshiron të gjejë një zgjidhje për çështjen e statusit të Kosovës.
“Duhet të jemi të gatshëm për çdo modalitet dhe mendoj se kemi një
politikë të mirë. Kemi paraqitur një rezolutë të përbashkët me vendet e
Bashkimit Evropian, por ne kemi vijat tona të kuqe”, citohet të ketë
thënë Tadic. /Telegrafi/