Tadic: Kushti gjerman për Kosovën, i papranueshëm

Presidenti i Serbisë, Boris Tadic, ka përsëritur se kushti gjerman për kandidaturën për Bashkimin Evropian, lidhur me Kosovën, është i papranueshëm, por, megjithatë, ka shprehur përkushtim për të punuar drejt anëtarësimit në BE.

“Nëse një kusht i papranueshëm për status të kandidatit në BE është vënë, ne duhet qartë t’u themi miqve dhe partnerëve tanë evropianë se një kërkesë e tillë është e papranueshme”, ka thënë Tadic në një intervistë për men Politika, ndërsa transmeton Evropa e Lirë.

Ai i është referuar kërkesës së kancelares gjermane, Angela Merkel, më herët këtë javë, se Serbia, nëse dëshiron ta fitojë statusin e kandidatit për BE, këtë vit, duhet t’i anulojë strukturat paralele në pjesën veriore të Kosovës.

“Populli ynë në pjesën veriore të Kosovës nuk do të mbijetojë nëse nuk do t’i ketë institucionet e veta, pasi pa to nuk do të ketë siguri, shkolla ose spitale”, ka shtuar presidenti serb.

Ai ka theksuar se “nëse miqtë evropianë nuk e pranojnë pozicionin e Serbisë sot, ata mund ta pranojnë atë nesër, ose pasnesër”. /Telegrafi/