Gjumi ndihmon të zgjidhni problemet

Massachusetts, 16 qershor - Keni vendim të madh për të marrë dhe jeni
duke menduar të prisni deri në ditën tjetër për të vendosur? Një studim i
ri sugjeron që mund të jetë ide e mirë; dhe ka zbuluar që njerëzit ia
kanë dalë më mirë të mësojnë një lojë kur kanë bërë një sy gjumë më pas.

Hulumtimi
nuk dëshmon që gjumi do t'u ndihmojë të mësoni në mënyrë më efektive.
Por siguron më shumë fakte që truri juaj jo vetëm pushon dhe ëndërron
kur jeni në gjumë, tha bashkautorja e studimit, Rebecca Spencer, nga
University of Massachusetts në Amherst.

Truri duket që po ashtu i
shqyrton ngjarjet e ditës dhe i përpunon, tha ajo. "Ju e vendosni
filmin brenda dhe e lëshoni edhe njëherë. Kjo tregon që gjumi me të
vërtetë shton diçka, që ne nuk duhet të vendosim me intuitë ose guxim
për diçka. Ne duhemi të presim deri ditën tjetër për të marrë vendimin”,
tha ajo.

Mund të shihet ashiqare që njerëzit do t’i kryejnë më
mirë detyrat pasi që flenë pak. Por Spencer tha që studimi i ri është
unik sepse i vështron njerëzit të cilët kanë pasur një rast të shkurtër
për të mësuar diçka dhe pastaj ose të flenë, ose të qëndrojnë zgjuar.