Vetëvendosja mohon sulmet virtuale

Lëvizja Vetëvendosje ka hedhur poshtë spekulimet se ka hakuar
web faqet e PDK-së dhe Qeverisë së Kosovës, duke thënë se ai që e ka
bërë këtë nuk e ka bërë në emër të Vetëvendosjes.Telegrafi
ka kontaktuar zyrtarin për informim në Vetëvendosje, Erzen Vraniqi, i
cili kategorikisht ka hedhur poshtë zërat se hakeri me pseudonimin
“L0ckreader’z” ka vënë jashtë funksionit faqen e PDK-së dhe të Qeverisë
së Kosovës në emër të Lëvizjes Vetëvendosje.
Më tej Vraniqi ka shtuar se Lëvizja Vetëvendosje do të vazhdojë
aksionet tjera paqësore, por kurrë nuk ka ndërmarrë aksione të këtilla,
të sulmeve virtuale.
Kemi raportuar më herët gjatë ditës se një haker kishte hackuar disa
faqe të Qeverisë së Kosovës dhe atë të PDK-së, ndërsa dyshimi ekzistoi
për atë se kush e urdhëroi sulmin dhe nëse hakeri në fjalë e ka bërë në
emër të Lëvizjes Vetëvendosjes pasi shfrytëzoi moton dhe logon e tyre.
/Telegrafi/