Krasniqi sërish kërkon transparencë për bisedimet

Kryetari i Kuvendit të Kosovës, Jakup Krasniqi, edhe një herë ka
kërkuar transparencë rreth bisedimeve Kosovë- Serbi. Krasniqi ka
potencuar se legjislativi i vendit, zyrtarisht nuk e ka platformën e
bisedimeve, e më këtë mungon edhe informimiKrasniqi pas
mbledhjes së Kryesisë së Kuvendit, tha se mungesës së platformës, mungon
edhe informimi për detajet e tjera, transmeton RTK. Sipas tij tashmë
duket që nuk është edhe aq domosdoshme pasi që bisedimet ka kohë që kanë
filluar.
Kryetari Krasniqi, ndryshe ka thënë se interpelanca e kryeministrit
Thaçi, sipas kërkesës së Lëvizjes Vetëvendosje është shtyrë për një kohë
të pacaktuar, apo të paktën për javën e parë të muajit korrik.
Kjo për arsye se sipas tij, një pjesë e madhe e qeverisë udhëton
jashtë vendit, e gjithashtu edhe një pjesë e madhe e deputetëve do të
jenë jashtë Kosovës.
Ndërkohë, Krasniqi ka përkrahur kërkesën e Komisionit parlamentar për
punë të jashtme që Kosova në vendet që nuk është njohur të përfaqësohet
nga ambasadat e Shqipërisë.
Krasniqi me këtë rast ka thënë se, jo vetëm ambasadat e Shqipërisë,
por edhe të vendeve mike mund të ndihmojnë në këto raste. /Telegrafi/