Bombë në veturën e majores Stefanovic

Të martën në orët e hershëm të mëngjesit, në Leshak të Leposaviqit, nga persona të panjohur është hedhur një mjetë shpërthyes në makinën zyrtare të policisë së Kosovës.

Makina ‘Huyndai’. me targa të Policisë së Kosovës, ka qenë e parkuar para shtëpisë së oficeres së lartë të Policisë së Kosovës majores Olga Stefanovic, njofton Koha.

Burimet theksojnë se hedhja e eksplozivit në makinën e polices ka qenë e qëllimshme dhe dyshohet se është kryer nga grupe ekstremistësh serbë, të përkrahur nga Beogradi.

Hedhjen e eksplozivit në makinën e policisë e kanë konfirmuar zyrtarë të policisë në Mitrovicë. Nystret Mehmeti, shefi i operativës, ka theksuar se policia ka dalë në vendin e ngjarjes dhe është duke i kryer hetimet. Pritet që në vendin e ngjarjes të dalin edhe ekspertët e kriminalistikës, të cilët do të përcaktojnë edhe llojin e mjetit shpërthyes, ka thënë Mehmeti.

Nuk jepen hollësi për dëmet materiale nga ky shpërthim. /Telegrafi/