Stefanovic paralajmëron kompromise në tri fusha

Shefi i ekipit negociues i Serbisë me Kosovën, Borislav
Stefanovic ka paralajmëruar për “Blicin” se nesër në Bruksel pret
marrëveshje për lirinë e qarkullimit, për librat amzë dhe ata
kadastralë. Ai ka refuzuar të zbulojë detaje, por ka
theksuar se “të ashtuquajturat pasaporte dhe tabela regjistrimi me
stemën e Kosovës dhe me simbolin RKS nuk do të mund të përdoren në Serbi
“.
“Jemi të vetëdijshëm se do të ketë të pakënaqur, por bëhet fjalë për
kompromis. Më mirë të bëhet nuk qe e mundur. Esenca është se vetë ne
kemi propozuar zgjidhje dhe i kemi harmonizuara me ndihmën e BE. Ato nuk
janë të imponuara dhe në asnjë mënyrë nuk do të thotë se njihet
pavarësia e Kosovës” ka thënë Stefanovic, duke theksuar se janë të
pavërteta shumica e gjërave që në opinion i nxjerr si zgjidhje të
ardhshme shefja e ekipit negociator të Kosovës, Edita Tahiri.
Tahiri ka deklaruar se është arritur marrëveshja që Serbia të njohë
pasaportat, letërnjoftimet tabelat e regjistrimit të Kosovës si dhe të
njohë vulat e doganave, ashtu si njeh dhe i zbaton BE.
Stefanovic ka thënë se nuk do të nënshkruhen kurrfarë marrëveshjesh,
por në bazë ujdisë në Bruksel qeveria e Serbisë do të marrë vendimet që
do të zbatohen. Në pyetjen nëse arritja e marrëveshjes me Kosovën është
pasojë e ultimatumit lidhur me marrjen e statusit të kandidatit për
Serbinë, Stefanovic ka theksuar se “bëhet fjalë për dy procese” porse
“gatishmëria për të gjetur zgjidhje kompromisi do të ndikojë në
pozicionin e jashtëm politik të Serbisë“.
Maja Kocijancic për “Blicin” nuk ka mundur të konfirmojë nëse marrëveshja është e sigurt
“Ende asgjë nuk është e definuar. Për të shtunën është planifikuar të
punohet tërë ditën. Shpresojmë për marrëveshje dhe përshëndesim çdo
marrëveshje të të dy palëve. Bëhet fjalë për dialogun për çështje të
rëndomta jetësore dhe ai nuk ka lidhje me çështjen e njohjes së
Kosovës”, citon Blic të ketë thënë Kocijancic. /Telegrafi/