Shkëmbehen përvoja në organizimin e qyteteve

Zëvendëskryeministri i Kosovës, njëherësh ministër i
Administrimit të Pushtetit Lokal, Slobodan Petrovic po qëndron në vizitë
zyrtare në Irlandë të Veriut, ku citohet të ketë thënë se shembulli i
Kosovës është një rast i mirë për të kuptuar se si procesi i
decentralizimit mund të ndikojë për të mirë në jetën e komuniteteve,
veçanërisht atyre pakicë dhe si mund të përmirësojë ambientin shoqëror
në nivel lokal.Zëvendëskryeministri është i shoqëruar nga
një delegacion i gjerë i kryetarëve të komunave, kryesuesve të Asambleve
komunale dhe zyrtareve komunal që paralelisht po zhvillojnë takime te
shumta në nivelin komunal me homologet e tyre në këtë vend.
Ministri Petrovic ka takuar zyrtarë të lartë të Parlamentit, Qeverisë
dhe qytetit të Belfastit. Në vizitën që i ka bërë Parlamentit të
Irlandës së Veriut, Petrovic është pritur nga kryetari i Parlamentit,
William Hav.
Petrovic ka zhvilluar edhe me ministrin e Ambientit, Alex Attwood ku
kanë biseduar për rolin që ka zhvillimi ekonomik në zvogëlimin e
situatave konfliktuoze dhe krijimin e besimit mes komuniteteve.
Attwood ka informuar lidhur me procesin e riorganizimit territorial
që është duke ndodhur në Irlandë dhe procesin e zvogëlimit të komunave
për shkak te efiçiencës dhe zvogëlimit të kostos buxhetore.
Gjatë qëndrimit në Irlandën e Veriut, Petrovic është pritur nga edhe
nga kryetari i Belfastit, Niall O Donnghaile. Me këtë rast janë
shkëmbyer përvoja në organizimin e qyteteve, duke pasur parasysh që
Belfasti dhe Prishtina kanë përafrisht të njëjtën madhësi dhe në banorë
dhe kjo ka qenë e dobishme për të marrë mësimet, sidomos në kohën kur
MAPL po përgatit ligjin e qytetit të Prishtinës. /Telegrafi/