Ryva vjen me “Hajde zemër”

Me gjithë faktin se ka kohë që nuk ka nxjerrë në treg një këngë
të re, këngëtarja dhe aktorja Ryva Kajtazi duket të mos jetë larguar nga
muzika. Ajo tashmë ka lansuar këngën dhe klipin e saj më të re të
titulluar “Hajde zemër”.

“Tash sa kam lansuar këngën time më
të re. Për këtë këngë kam bashkëpunuar me Don Arbas dhe Big Basta-n.
Është hera e parë që kam bashkëpunuar me këta bashkëpunëtor por mund të
them se jam ndarë e kënaqur me gjithçka. Kënga titullohet ‘Hajde zemër’
është një këngë me shumë ritëm e që përkon shumë me temperaturat e larta
vendore”, ka thënë Ryva për “InfoPress”.
Këngëtarja ka premtuar se kjo nuk do të jetë e vetmja këngë për këtë verë.
“Shpresoj që shumë shpejt në shtator të dal edhe me një këngë, por
kjo nuk është ende e sigurt nëse do të realizohet apo jo. Nuk varet
vetëm nga unë, por edhe prej shumë faktorëve tjerë. E rëndësishme është
që unë jam duke punuar maksimalisht”, ka thënë Ryva . /Telegrafi/