Dacic: Serbia e rrezikuar nga terrorizmi prej Kosove

Ministri serb i Punëve të Brendshme, Ivica Dacic ka deklaruar
sot në Hagë se Serbia është e ballafaquar me kërcënim të brendshëm
terrorist, siç ka thënë ai, nga përpjekje të vazhdueshme të bartjes së
aktiviteteve të terroristëve shqiptarë dhe të grupeve ekstremiste
terroriste nga Kosova në jug të Serbisë.“Përkundër
përpjekjeve të bashkësisë ndërkombëtare, në Kosovë nuk janë garantuar
siguria personale dhe ajo e pasurisë, barazia e të gjithë qytetarëve si
dhe as brezi i sigurisë për serbët dhe popullatën joshqiptare”, ka thënë
Dacic në Kongresin Evropian të shefave të policisë në ndërtesën e re të
Europolit në kryeqytetin e Holandës, transmeton “Blic”, transmeton
Koha.
Dacic po ashtu ka përmendur, siç ka thënë ai, formën re të veprimit
terrorist në rajonin e Rashkës përmes aktivitetit të vahabive 15 anëtarë
të cilëve janë arrestuar dhe dënuar me burg. /Telegrafi/