AAK takon deputetët që deklaruan pavarësinë 20 vite më parë

Aleanca për Ardhmërinë e Kosovës ka organizuar pritjen tradicionale për deputetët që lexuan deklaratën e pavarësisë njëzet vite më parë. Nënkryetari i AAK-së, Blerim Shala, veprën e këtyre deputetëve e konsideron si fillim i rrugëtimit të Kosovës drejt pavarësisë.

Sipas Shalës, që nga ajo ditë shqiptarët e kanë ditë çfarë dëshirojnë dhe nëpërmjet deputetëve të parlamentit patën vendosur ta përcaktojnë fatin e tyre.

Në anën tjetër, Ilaz Ramajli, që kishte kryesuar me Kuvendin e asaj kohe, në emër të deputetëve të parlamentit kosovar të 20 viteve më parë shprehu mbështetjen e plotë për kreun e AAK-së, Ramush Haradinajn, i cili po pret fillimin e gjykimit në Tribunalin e Hagës.

Ramajli tha se në Hagë po bëhen përpjekje që të vihet në një rrafsh të njëjtë Kosova me okupatorin serb. /Telegrafi/