LDK po përgatit dosje për ‘Qeverinë Muja’

Lidhja Demokratike e Kosovës, të premten, përmes një komunikate
ka ngritur shqetësimin e qeverisjes në Prizren, siç thuhet për
“tenderomaninë mafioze dhe pasurimin e paligjshëm të stafit të qeverisë
Muja”, në lidhje me këto raste.LDK-ja ka kërkuar sqarime nga
kryetari i komunës Ramadan Muja. “Kryetari Muja, i cili i ka vendosur
në pozita këta njerëz duhet të sqarojë para qytetarëve çka kërkoi nga
këta drejtorë prokuroria”.
“Dosja e keqpërdorimeve në Kuvendin Komunal të Prizrenit është e
madhe. A do të jetë në një nga ditët e ardhshme edhe kryetari Muja i
ftuari i prokurorisë. Nëse kryetari Muja nuk reflekton, do të ndodhë
edhe kjo, sepse parat e taksapaguesve po përfundojnë në xhepat e
individëve të caktuar”, thuhet në komunikatën e LDK-së.
“E pyesim kryetarin Muja a po heq dorë qeveria e Kosovës nga
keqqeverisja e Komunës së Prizrenit, dhe a po e lë edhe Mujën në dorën e
drejtësisë. Departamentet e Degës së LDK-së janë duke përgatitur dosjen
për qeverinë Muja, të cilën së shpejti do t’ia ofrojnë drejtësisë
vendore e ndërkombëtare, nga të cilët do të kërkojë vënien e drejtësisë
në vend”, thuhet ndër tjera në komunikatë. /Telegrafi/