Rëndohet gjendja e grevistëve

Janë bërë 41 ditë qëkur veteranët e Ushtrisë Çlirimtare të
Kosovës kanë hyrë në grevë para ndërtesës së Qeverisë së Kosovës, me
kërkesën për miratimin e shpejtë të Ligjit për vlerat e luftës, ndërkohë
që gjendja shëndetësore e grevistëve vazhdon të jetë e rënduar.Derisa
gjendja shëndetësore e veteranëve të luftës së UÇK-së është përkeqësuar
edhe më shumë se në ditët e kaluara, zyrtarët qeveritarë dhe ata nga
Kuvendi ende nuk kanë aprovuar ligjin për vlerat e luftës edhe pse
kishin premtuar më herët se një gjë e tillë do të kryhet së shpejti.
RTV21 njofton se anëtari i Këshillit të grevistëve, Sefedin Zuka, ka
thënë se gjendja shëndetësore e veteranëve të luftës është rënduar
dukshëm dhe se në orët e hershme të mëngjesit të të shtunës kanë kërkuar
ndihmë mjekësore. /Telegrafi/