Tahiri merr pjesë në Konferencën botërore të grave

Zëvendëskryeministrja e Qeverisë së Republikës së Kosovës Edita Tahiri, udhëtoi të martën për në Ottawa të Kanadasë, për të marrë pjesë në Konferencën Botërore të Grave 2011, organizuar nga Organizata e Kombeve të Bashkuara (OKB) përmes programit për zhvillim, UNDP.

Tahiri do të jetë pjesë e panelit ndërkombëtarë që ka për qëllim simulimin e dialogut në iniciativat për rimëkëmbjen dhe rindërtimin pas konflikteve, si resurse në dispozicion për të promovuar barazinë gjinore dhe involvimin e gruas në vendimmarrje si potencial i mundshëm.

Po ashtu, zëvendëskryeministrja Tahiri gjatë këtij qëndrimi në Kanada do të zhvilloje takime edhe në qeverinë kanadeze. /Telegrafi/