Clinton kërkon përparim në veri të Kosovës

Sekretarja amerikane e Shtetit, Hillary Clinton dhe
përfaqësuesja e lartë e Bashkimit Evropian për Politikë të Jashtme e
Siguri, Catherine Ashton kanë thënë se normalizimi i marrëdhënieve dhe
krijimi i besimit përmes dialogut të Beogradit e Prishtinës hap të
ardhmen evropiane për të dy palët. “Marrëveshjet e fundit
ndërmjet Kosovës e Serbisë nën përkujdesjen e BE-së lehtësojnë dialogun
dhe ky është hap i ndërsjellë është i dobishëm e pozitiv”, njofton State
Departamenti.
Sekretarja amerikane shtetit Hillary Clinton ka deklaruar se “tani
marrëveshjet duhet të zbatohen dhe duhet të vërehet një përparim më i
madh sidomos në veri të Kosovës”.
“Presim nga të dy palët të vazhdojnë punën e tyre të vështirë dhe të
arrijnë marrëveshje praktike me qëllim të përmirësimit të jetës së
përditshme të të gjithë njerëzve, normalizim të marrëdhënieve dhe kjo
gjë të dy vendet do t’i afrojë tek aspirata e tyre evropiane’, citohet
të ketë thënë Clinton.
Ashton në konferencën për shtyp pas takimit me Hillary Clinton ka
folur për takimin e saj me kryeministrin e Kosovës, Hashim Thaçi në
Bruksel, raportojnë mediat.
‘Kemi biseduar për mundësitë që me negociatat vërtet dhe praktikisht
të lehtësohet jeta për njerëzit në veri të Kosovës”, ka thënë Ashton.
Ashton ka thënë se është folur për patentë shoferin për mënyrën se si
të lehtësohet lëvizja dhe të gjendet mënyra e ndërtimit ë besimit
ndërmjet dy popujve. “Kështu mund të shkohet përpara drejt të ardhmes e
cila te të dy palët gjendet ne BE”, ka thënë Ashton. /Telegrafi/