Forcohen bllokadat në veri të Kosovës

Anëtarë të shoqatës së afaristëve në Zubin Potok mbajtën
tërësisht të bllokuar të martën për një orë rrugën rajonale
Mitrovicë-Ribariq.Për të 13-ën ditë me radhë ata kërkuan
lirimin nga arresti të Jevrem Pantelicit, të cilin EULEX-i e mbanë në
ndërlidhje me vepër të krimit të organizuar.
Sipas serbëve lokalë, Pantelic është arrestuar ngase nuk dëshiron t’i
paguajë tatimet e shtetit të Kosovës, të cilin serbët nuk e njohin,
raportoi Beta.
“Për vendimin tonë do t’i njoftojmë përgjegjësit në KFOR, EULEKS dhe
në policinë e Kosovës, dhe do të paralajmërojmë se do ta vazhdojmë
bllokadën derisa të mos plotësohet kërkesa jonë”, ka thënë Ratomir
Bozovic, nga shoqata e afaristëve serbë të Zubin Potokut. /Telegrafi/