Reklamat televizive shtojnë oreksin për ushqimet që reklamohen

Reklamat televizive për ushqimin e shpejtë shtojnë dëshirën për
konsumimin e tij, sidomos të fëmijët të cilët shikojnë shumë televizor.Akademia
Amerikane e Pediatrisë ka realizuar një hulumtim te fëmijët e moshave
nga 6 deri në 13 vjeç, ndërsa rezultatet kanë treguar se reklamat për
ushqim të shpejtë dhe ëmbëlsira zgjonin urinë e fëmijëve për këto
produkte.

“Ekspozimi ndaj reklamave televizive për ushqim te personat të cilët
shikojnë shumë TV, forcon prirjen ndaj produkteve ushqyese që
reklamohen, në raport me personat të cilët shikojnë më rrallë
televizor”, thonë autorët e studimit.

Fëmijët kanë shprehur dëshirë më të madhe për ushqimin e ëmbël dhe
atë yndyror pasi kanë shikuar reklamat për ushqimin e pashëndetshëm.

Sidoqoftë, ekspertët thonë se reklamat e “ushqimeve të këqija” nuk
mund të konsiderohen fajtorë për shtimin e numrit të fëmijëve me
mbipeshë, sepse kjo varet nga shumë faktorë. /Telegrafi/