Kuçi: Do ta kthejmë ligjshmërinë në veri

Zëvendëskryeministri i Kosovës, Hajredin Kuçi, ka deklaruar se situata e sigurisë në veri do të stabilizohet, ndërsa të gjithë ata që kanë prishur rendin dhe ligjin do të përballen me drejtësinë.
Kuçi i bëri këto komente gjatë një vizite që i bëri komunës së Kaçanikut, raporton Zëri. Zëvendëskryeministri në një konferencë për media tha se situata në veri të Kosovës është sfiduese për institucionet vendore, ndërsa shprehur përkushtimin e ekzekutivit për shtensionimin dhe normalizimin e situatës në atë pjesë dhe krijimin e kushteve për sundimin e rendit dhe ligjit.

“Atje (veriu i vendit) është njëra prej brengave dhe sfidave tona, atje do të jetë një proces. Pikat doganore janë nën kontroll të KFOR-it. Janë shpallur zona ushtarake. Ne po tentojmë që ta shtensionojmë situatën, që ajo të jetë situatë normale, ku sundon rendi dhe ligji”, ka deklaruar Kuçi. /Telegrafi/