KFOR-i kontrollon edhe rrugët alternative të veriut

Përfaqësuesit e serbëve të veriut janë të pakënaqur me zbatimin e marrëveshjes me KFOR-in.
I ashtuquajturi kryetar i Qarkut të Mitrovicës, Redanko Nedeljkovic, ka thënë se marrëveshja po zbatohet në mënyrë selektive.

“Gjithçka varet se kush është në patrullë në Bërnjak e Jarinja, sepse ka ditë kur nuk lëshojnë as kamionët me 3.5 tonë”, ka thënë Nedeljkovic për “Beta”, sipas të cilit KFOR-i ka filluar t’i kontrollojë edhe rrugët alternative të veriut.

“Nuk jemi kundër që KFOR-i në këtë mënyrë të kontrollojë kontrabandimin e mallrave ose armëve, por me këtë veprim KFOR-i prapë po del nga mandati i vet. KFOR-i nuk është doganë dhe nuk duhet të zbatoj vendimet e Prishtinës për vënie të doganës”.

Kstimir Pantic, kryetari i komunës paralele të Mitrovicës, ka thënë se KFOR-i nuk po e respekton marrëveshjen që “edhe ashtu është e pavolitshme për popullin serb”.

“Dëshmi është mbyllja pothuaj hermetike e kalimeve në veri të Kosovës dhe pamundësia e sjelljes së furnizimeve elementare për jetë”. /Telegrafi/