Lyrical dhe Kresha: “Për inati t’njani t’ tjetrit”

Lyrical Son dhe Mc Kresha sot do të promovojnë albumin e tyre “Për inati t’ njani t’ tjetrit”.
Albumi përmban 25 këngë, shumë prej të cilave janë publikuar në YouTube pa lejen e tyre. Megjithatë kjo gjë nuk i ka dëmtuar ata dhe vetëm sa i kanë shtuar fansat e tyre.

“Sot do të bëhet promovimi i albumit të cilin e kemi në bashkëpunim me Mc Kreshën i cili titullohet ‘Për inati t’ njani t’ tjetrit’. Albumi përmban 25 këngë. Disa prej tyre janë publikuar në Youtube pa lejen tonë por prapë se prapë nuk është bërë dëmi, vetëm sa na janë shtuar fansat. Përgatitja e albumit është bërë në studio të Enis Preshevës”, ka bërë të ditur Lyrical Son për “Infopress”.

Lyrical Son gjithashtu ka bërë të ditur që së shpejti do të ketë edhe videoklipe të reja.

“Jam duke e xhiruar edhe klipin e këngës më të re, e cila titullohet ‘Pse t’fola’. Krahas filmimeve do të ketë edhe rrëfime të ndryshme dashurie, të cilat vijnë përmes fotografive. Ne nuk u këndojmë femrave që t’i bëjmë kuçedra apo diçka tjetër, por femrat janë gjinia më e mirë që kemi dhe duhet të respektohen dhe të duhen”, ka shtuar Lyrical Son. /Telegrafi/