Takohet Komitetit Punues për Integrim Evropian

Në kuadër të intensifikimit të agjendës evropiane të Kosovës, sot është mbajtur takimi i Komitetit Punues për Integrim Evropian. Takimi u kryesua nga Ministrja e Integrimit, Vlora Çitaku, me pjesëmarrjen e të gjithë Sekretarëve të Përgjithshëm të ministrive dhe udhëheqësve të disa agjencive ekzekutive.

Gjatë takimit u diskutua progresi në zbatimin e obligimeve të parapara më agjendën evropiane, duke u fokusuar në adresimin e kritereve politike, ekonomike dhe plotësimin e standardeve evropiane.

Diskutim i veçantë u zhvillua në kuadër të angazhimeve të parapara në procesin e liberalizimit të vizave, gjegjësisht riintegrimin personave të riatdhesuar, respektimin e kritereve të parapara në marrëveshjen me FMN, reformën e administratës publike dhe sektorin e bujqësisë.

Ministrja Çitaku ka thënë se në kuadër të intensifikimit të ecurisë legjislative të paraparë më letrën e Komisionerit Stefan Fule, të gjitha projektligjet prioritare tanimë janë të miratuara nga Qeveria. Sidoqoftë, shumë sfida mbesin pas publikimit të Raportit të Progresit 2011.

“Vullneti i qartë politik për integrim Evropian duhet përkthehet në masat dhe veprimet konkrete teknike dhe në këtë drejtim Qeveria do të ndërmerr hapat e qartë dhe vendimtar me qëllim të avancimit të procesit integrues të vendit”, ka thënë Çitaku. /Telegrafi/