Serbët e Banjallukës: “Në Kosovë vëlla, gjakun tim ta jap”

Anëtarët e lëvizjes “Zgjedhja është e jona”, kanë ngjitur në Banjallukë të Bosnje-Hercegovinës pllakate me tekstin: “Ku po shkon: Në Kosovë vëlla, gjakun tim ta jap”.

Kryetari i Lëvizjes, Dane Cankovic, ka thënë se deklarata e djeshme e presidentit të Republikës Serbe, Milorad Dodik, që kjo republikë do ta mbrojë integritetin e Serbisë, përfshirë Kosovën, “është stimul për të gjithë politikanët në Republikën Serbe dhe në Serbi që bashkërisht të veprojnë në mbrojtje të Kosovës”.

Ai ka thënë se “politika e dhunës dhe agresionit ndaj banorëve serbë është ndërtuar nga para të mëdha, mbi të gjitha të Gjermanisë dhe SHBA-ve”.

Cankovic për “Nezavisne Novine” ka thënë se serbët duhet “haptazi dhe guximshëm t’i kthehen pavarësisë së Republikës Serbe, ndaj kërkojnë mbështetje nga Serbia, Rusia dhe shtetet tjera mike”. /Telegrafi/