Serbët tërhiqen

Anëtarët e KFOR-it, EULEX-it dhe Policisë së Kosovës janë lejuar nga serbët të kalojnë nëpër Leshak bashkë me ekskavatorin e konfiskuar.

I ashtuquajturi kryetar i Komunës së Leposaviqit, Branko Ninic, ka thënë për “Tanjug” se situata është qetësuar pasi përfaqësuesit ndërkombëtarë e kanë treguar urdhrin për konfiskim dhe e kanë liruar rojën e maleve të të ashtuquajturës kompani “Srbija-Sume”.

EULEX e ka vërtetuar aksionin e sotshëm për konfiskim të ekskavatorit (buldozerit) në hapësirën që sipas strukturave paralele serbe është “në pronësi të Srbija-Sume”.

“Prokurorët e EULEX-it e kanë miratuar operacionin në veriun e Kosovës, që është i lidhur me hetimet që po vazhdojnë”, ka thënë për “Tanjug” zëdhënësi i EULEX-it, Kai Mueller-Berne.

“Ishte operacion i përbashkët i policisë së EULEX-it dhe policisë së Kosovës, me asistimin e KFOR-it”.

Hetimet kanë të bëjnë për ngjarjet e fundit në veri. Mueller-Berne ka thënë se fjala është për një aksion normal në kuadër të hetimeve dhe se rezultatet do të publikohen pasi prokurorët do të arrijnë deri tek to. /Telegrafi/