Serbët betonojnë barrikadat

Grupe kriminale serbe kanë betonuar barrikadën në hyrje të fshatit Kelmend, betonimi është kryer pak para mesnatës kanë njoftuar burime të gazetës. Në anën tjetër këto grupe, kanë përforcuar edhe barrikadën në urës kryesore mbi lumin Ibër si dhe atë në afërsi të udhëkryqit të shkollës teknike duke shtuar sasinë e rërës. Betonimi i barrikadës në hyrje të fshatit Kelmend është bërë me rreth 25 metër kub beton, e betonimi është kryer me kamionë të Zvonko Veselinoviq.



Betonimi i barrikadës në Kelmendi ka bllokuar tërësisht, magjistralen e Ibrit dhe rrugën që shpien për në pikën kufitare në Jarinje.



Ekipet e Komunës së Mitrovicës dhe ekipet e KEK-ut, janë duke punuar në rivendosjen e kamerave të sigurisë dhe të ndriçimit në Urën e Ibrit.

Kurse kamerën e sigurisë në pjesën veriore të Urës së Ibrit pritet që në këto momente ta rivendosë ekipi i KFOR-it. Kamera e dëmtuar në atë pjesë, ishte e vendosur nga KFOR.



Serbët në veri të Kosovës e kanë kaluar natën në barrikada të cilat në ndërkohë i kanë përforcuar dhe më shumë dhe për këtë arsye është bllokuar rruga magjistrale Mitrovicë- Rashkë si dhe të gjitha drejtimet tjera rrugore të rëndësishme .Në vendin e bujtur Kërshi i Dudit është vënë edhe një barrikadë duke e përforcuar ehe më shumë bllokadën në drejtimin e magjistrales. Në pikat kufitare nga pjesëtarët e KFOR-it janë vënë telat me gjemba duke mbyllur kështu Jarinjen e Bërnjakun, ndërsa serbët kanë hedhur shumë zhavorr dhe kështu kanë bërë të pamundur kalimin nëpër këto pika, njoftojnë medie serbe.



Pengesa me dhe e zhavorr në Bërnjak është e lartë disa metra ndërsa në Jarinje me zhavorr është bllokuar rruga që shpie nga baza e KFOR-it mbi vendkalim. Nëu Rudare, në territorin si e quajnë serbët të komunës së Zveçanit, afër urës hekurudhore mbi IBër, me kamionë është u është këputur rruga automjeteve, por një korsi është e lirë për qarkullim.Është përforcuar edhe barrikada në urën kryesore të Ibrit në Mitrovicë që lidh qytetin me tëdy pjesëtSerbët thonë se janë të gatshëm që në çdo moment të bllokojnë çdo përpjekje pët lëvizje të KFOR-it ose të Policës së Kosovës.