KFOR-i dhe EULEX-i t’i largojnë barrikadat

Ministri i Punëve të Brendshme, Bajram Rexhepi, nuk ka dashur të spekulojë mundësinë e dërgimit të forcave speciale të Policisë së Kosovës për largimin e barrikadave të vendosura nga serbët në veri.

Në veri të Kosovës, jo që nuk kanë larguar barrikadat pas arritjes së marrëveshjes mes Qeverisë së Kosovës dhe KFOR-it, por ata gjatë mbrëmjes së kaluar kanë vendosur edhe një barrikadë në fshatin Zupç, ndërkohë që barrikada në Rudare vazhdon të qëndrojë që nga fundi i muajit korrik.

Ministri Rexhepi, siç transmeton “Zëri”, ka thënë se serbët prej fillimit nuk kanë respektuar marrëveshjen e arritur për largimin e barrikadave. Sipas tij, largimi i barrikadave është në përgjegjësi të KFOR-it dhe EULEX-it. /Telegrafi/