Krasniqi: Shqiptarët e kanë fenë e rilindësve

Kryeparlamentari i Republikës së Kosovës, Jakup Krasniqi, ka thënë se ai është i gatshëm që të dëshmojë në mbrojtje të Fatmir Limajt nëse ngrihet aktakuzë ndaj tij dhe nëntë ish-pjesëtarëve të UÇK-së për rastin Kleçka.

“Duke e mbrojtur Limajn e mbroj UÇK-në”, ka thënë Krasniqi për “Epoka e Re”, për të shtuar se fjala është për shantazhe që po i bëhen Kosovës.

“Shkurt e shqip, janë veprime kundër funksionimit të institucioneve demokratike të shtetit të Kosovës dhe kundër perspektivës shqiptare në trojet e veta. Po e përsërisë, shqiptarët duhet të mendojnë dhe të veprojnë shqip”, ka thënë Krasniqi.

Ai ka kërkuar të ndërpriten përpjekjet që kanë për synim t’i degradojnë vlerat dhe traditat shqiptare kombëtare, qofshin ato sulme në emër të “drejtësisë” apo në emër të “festë”.

“Populli shqiptarë ka fenë e rilindësve, me vlerën e së cilës kemi ardhur deri këtu”. /Telegrafi/

nuk kam ndigju ndonje her budallik me te madh.rilindasat nuk kan qen personalitete te fes por te kombit keshtu qe nuk mund te merren si shembull per fen