Pesë emrat që i kërkoi EULEX-i në veri

Në aksionin e përbashkët të EULEX-it, KFOR-it dhe Policisë së Kosovës, dje në veri, sipas portalit LajmeShqip, synohej kapja e pesë personave. Sipas burimeve të këtij portali, personat e kërkuar janë:1. Vlladan Tihomir Rakiq, me nofkën Sise, 2. Sllobodan Blagoje Vuçiniq, me nofkën Sllobo, 3. Radomir Urosh Kasaloviq,

4. Ratomir Radun Bozhoviq, me nofkën Dude, dhe 5. Radovan Zoran Radiq, me nofkën Krelac.

Që të gjithë këta, për të cilët ka fletarrest dhe të cilët dyshohen për vrasjen e policit të Kosovës, heroit Enver Zymberi, nuk ishin në shtëpi në momentet bastisjeve dhe të aksionit që është zhvilluar në fshatrat Zupç dhe Jegenicë.

Është raportuar po ashtu se gjatë aksionit të djeshëm është bastisur edhe shtëpia e Sllavisha Ristiqit.

Burimet e portalit kanë bërë të ditur se këta persona të kërkuar kanë qenë paraprakisht të njoftuar për aksionin e EULEX-it, të KFOR-it dhe të Policisë së Kosovës për arrestimin e tyre.

Bëhet e ditur se, gjithmonë, sa herë që është zhvilluar një aksion i policisë dhe KFOR-it, dhe për të cilin është njoftuar paraprakisht policia në veri, aksioni ka rezultuar i pasuksesshëm.